• Penemuai KM enggau raban iya ke China ngulihka peneleba ba empat batang pekara

    Published: Friday, 8 December 2017
    A- A+

    KUCHING: Penemuai Kepala Menteri Datuk Patinggi Abang Johari Tun Openg enggau sekeda pemesai bukai ngagai sebuah kompeni China, Fiberhome di Wuhan, China, ketegal ngulih peneleba dalam empat ti dikemeratka Sarawak nuju nyadi sebuah nengeri bepelasarka Ekonomi Digital (DE), iya nya fibre-optik,wireless communication enggau ‘intelligentizing applications’.

    Kepala Menteri enggau raban iya nemuai seraya gawa ngagai China ari Beijing nuju ke Wuhan ba kandang tengah menua China di Hubei.

    Maya di Wuhan, Kepala Menteri ngelawa Indu Opis Fibrehome, iya nya penyendia jalai ngatur pengawa IT global ke pemadu besai di China, ke alai Kepala Menteri enggau raban iya dibai bejalai meda perengka guna ba endur nya nyengkaum dipandangka pasal operasyen kompeni nya.

    Penemuai ke Wuhan sebagi ari program ngulihka penemu bekaul enggau penyendia jalai ngatur pengawa IT ungkup Sarawak nuju nyadi menua digital.

    Nangkanka Wuhan, Kepala Menteri enggau raban iya deka ngagai Guangzhou, menua ke penudi endar alai sida nemuai dalam kandang urung seminggu tu, sebedau pulai ke Kuching.-Utusan Borneo

    Subjects:

  • No Comment to " Penemuai KM enggau raban iya ke China ngulihka peneleba ba empat batang pekara "