• Kaban PBB Pantai Damai patut begempung nentuka pemujur BN

    Published: Monday, 27 November 2017
    A- A+

    SANTUBONG: Kaban dalam Parti Pesaka Bumiputera Bersatu (PBB) pampang N.4 Pantai Damai sekali agi dipinta ngenegapka gempung ngambi tau bulih pemujur besai ba Pengawa Bepilih besai Ke-14 (PRU14) ti deka datai.

    Ketuai PBB pampang N.4 Pantai Damai Dr Abdul Rahman Junaidi madah pekara nya berat ngambika Barisan Nasional (BN) seruran ngerikod pemujur kelebih agi ungkup sitak Parlimen Santubong.

    “Nengah kerejasama enggau gempung ti tegap, kitai(Pantai Damai) udah bulih pemujur nengah majoriti ke besai ba Pengawa Bepilih Nengeri Ke-11(PRN11) enggau PRU13 ke udah.

    “Ba PRN11 ke diatur ba bulan Mei 2016, sitak DUN Pantai Damai menang nengah majoriti undi 9,260 lalu tu siti rikod baru.

    “Pia mega ba PRU13 ba taun 2011, kitai menang nengah majoriti besai iya nya manggai 18,000 ungkup kaban parlimen (Santubong).

    “Undi ari DUN Pantai Damai maya nya(PRU13) manggai 9,126,” ku Abdul Rahman.

    Iya mansutka jaku nya ba Aum Besai Deligit PBB pampang N.4 Pantai Damai Sessi 2017-2020 ke diatur di Damai Beach Resort di Santubong ditu, kemari.

    Aum nya dipenyadi Sapit Presiden PBB ke mega Sapit Kepala Menteri Datuk Amar Awang Tengah Ali Hassan.

    Rambau aum kemari, PBB pampang N.4 Pantai Damai bisi mansutka mosyen politik ti dibacha Abdul Rahman.

    “Kami raban ketuai di N.4 Pantai Damai, bagi nembiak, orang indu sereta pating nyukung tusun perintah Kepala Menteri Datuk Patinggi Abang Johari Tun Openg.

    “Kami mega sepenemu sereta nyukung bala sapit presiden PBB enggau rintai kaban kunsil renggat tinggi PBB Sarawak ngambika terus ngemansang nengeri enggau rayat,” ku Abdul Rahman Junaidi macha mosyen.-Utusan Borneo

    Subjects:

  • No Comment to " Kaban PBB Pantai Damai patut begempung nentuka pemujur BN "