• Nembiak BN Sarawak ngutuk penerang dipansutka Nazri

    Published: Tuesday, 13 June 2017
    A- A+

    KUCHING: Nembiak Barisan Nasional (BN) Sarawak ngutuk penerang dipansutka Menteri Dagang Temuai enggau Main Asal Datuk Seri Nazri Abdul Aziz ti ngelar Menteri Sarawak (Datuk Abdul Karim Rahman Hamzah) baru setaun jagung sereta agi nembiak.

    Chairman Nembiak Barisan Nasional (BN) Sarawak Dato Sri Fadillah Yusof madah jaku dipansutka Nazri Aziz nya chukup kasar sereta enda mandangka semangat berakup dalam ruang bilik BN.

    “Dalam ruang bilik besai BN, sebarang isu kelebih agi ke bekaul enggau rayat patut diputar enggau randau nengah semengat BN.

    “Ukai sengapa mansutka jaku tauka nengah media, ketegal chara nya tau ngujungka rayat ransi.

    “Enti bisi isu ke patut diterang, pekara nya meseti diadu enggau chara manah lalu ukai nengah ulah ngemaruhka ketuai dalam gempung parti ke sama,”ku Fadillah nengah surat penerang berita kemari.

    Iya ke mega Ketuai Nembiak PBB enggau Menteri Kereja Raya netapka Bagi Nembiak BN Sarawak seruran meranka ulah bebasa sereta berakup dalam gempung parti.

    Ku iya sebarang bida runding tauka penemu meseti diputar nengah chara manah.

    “Kitai ulih berandau, ngembuan runding ke bebida lalu ngiga jalai ke pemadu manah mutarka bida nya,”ku Fadillah.

    Iya nambah, ulah ngelar pangan diri ‘samseng’ seiti pengawa ke enda patut ketegal nya ukai semina bejai seseiku ketuai tang tau ngemaruh pemaik parti.

    Samseng ukai ulah ke ke dikereja dalam parti kelebih agi ba PBB, tandu Fadillah.

    Iya madah ba sebarang aja pemar, Bagi Nembiak BN Sarawak meratka semengat berakup dalam gempung BN ke udah diberi mandat sereta dikearap rayat.-Utusan Borneo Online

    Subjects:

  • No Comment to " Nembiak BN Sarawak ngutuk penerang dipansutka Nazri "