Udah Nyadi Adat Sarawak, Hormat Kepala Besai

Udah nyadi adat bansa ba Sarawak hormat kepala besai menua ari kelia. Enti nadai kepala, bansa ba Sarawak sigi runtuh enggau selalu carut.

Nya alai bansa ba Sarawak enggai nerima hasutan sida ka ngasuh bansa carut enggau belaya. Lebuh ari nya semua kaum ba Sarawak ulih segulai sejalai sama bansa bukai.

Diatu mayuh cerita ari sida ka ngasuh Sarawak pansut ari Malaysia. Mayuh mansut leka jaku enda nitih fakta sebenar iya ka udah di tulis ba sejarah ari suba.

Sida tu enda hormat kepala besai kelia ngaga keputusan nubuh negara Malaysia. Ukai sengapa pembesai suba ka ngaga keputusan nya. Mayuh kesan dipeda sida dulu sebedau setuju sain nyadi Malaysia.

Sida enda hormat ucapan Dato' Stephen Kalong Ningkan maya baca pengisytiharan Malaysia 16 September 1963.
“And whereas in pursuance of this principle Her Majesty’s Government by an agreement entered into on the 9th day of July, 1963, with the Government of the Federation of Malaya, the Government of the State of Singapore and the Governments of the colonies of Sarawak and North Borneo it was agreed that the State of Singapore and the Colonies of Sarawak and North Borneo shall be federated with the Federation of Malaya, and that the said Federation shall be known as Malaysia.”
Ucapan tu tau dirujuk ari nunda jaku sida ka mansut Sarawak ari Malaysia. Udah adat bansa Sarawak hormat kepala besai ari kelia tang anang sekali nunda jaku sida ari bukai iya ka amai ngasuh enda hormat keputusan kepala besai. Titih jaku iya ka bendar ari nitih sengapa sida ka bansa belayak sama pangan.-Sarawakiana

No comments:

| | Copyright © 2014 SARAWAKIANA