Sarawak Bempu Urang Sarawak



Menua Sarawak udah kelalu mayuh cerita sejarah udah ditemu. Ari perintah urang putih, Jepun, British lalu nyadi Malaysia sari tu. Mayuh macam cerita ada ya menua bernama Malaysia ari pakar-pakar sejarah iya ka enda betauliah ngambik mudah ngasuh carut bala rayat.

Maya tu, balat amat kumpulan iya ka maik Sarawak pansut ari Malaysia. Mayuh propaganda sida ngaga ngambik ka rayat keliru. Lantang sida madah Sarawak bempu urang Sarawak tiap kali sida bejaku. Bantai cerita sejarah Sarawah nitih versi sida empu tang jauh nyimpang ari sejarah ke bendar menua Sarawak.

Sida bisi madah enti bisi bala rayat enggai enggau sida lalu dituduh ukai bempu ka Sarawak. Balat amat jaku nya. Nuduh macam-macam sapa ka enggai enggau sida. Baka ni sida aki inik suba iya ka sanggup mati ngelaban komunis, urang pitih ngambik ka menua tu nyadi Malaysia ?

Nya sida enda ingat laban aki ini suba bejuang sampai tumpah darah ba menua tu ngambik anak ucu aman ba Malaysia. Baka ni ka derhaka pesan aki ini ngasuh kita jaga menua tu manah-manah ngambik enda di jajah agi.

Diatu kelalu mayuh utai tau diperang tapi enda ngena senjata. Perang ngagai sida ka maik agenda ka maik Sarawak pansut ari Malaysia. Malaysia udah nyadi baka darah daging kitai ba menua Sarawak.

Tu baru Sarawak bempu urang Sarawak laban bansa Sarawak sigi ngetan hak-hak ya ba Malaysia tanpa pansut ari Malaysia. Sida ka maik pansut sigi bempu agenda politik laban penyangkal lalu enda ulih ngambik perintah ari Barisan Nasional. Anang irau enti enda nitih kumpulan pansut Malaysia laban identiti Sarawak bempu urang Sarawak sigi enda nyau ba ati urang Sarawak.-Sarawakiana

No comments:

| | Copyright © 2014 SARAWAKIANA