Nadai Adenan Madah Ka Pansut Ari Malaysia



Jaku selubu ngapa ari sida ka bendar pansut ari Malaysia sigi enda ulih diterima rayat menua Sarawak. Jaku pansut sigi mudah enti bejaku tapi enda meda kesan enda manah dudi ari.

Berani sida madah Kepala Menteri Adenan ka amat Sarawak tu pansut ari Malaysia. Petenah sida iya sigi ka ngasut rayat supaya nyukung pengawa sida ka ngulih mansut menua tu ari Malaysia.

Kepala Menteri udah balas jaku sida iya lalu madah iya nadai bejaku madah ka maik Sarawak pansut ari Malaysia. Amat Adenan baka urang ka belaya enggau Persekutuan tapi iya nya pengawa ngambik pulai hak Sarawak. Ukai ka mansut kedirik ari negara tu.

Kepala Menteri udah berbunyi. Badu agik ngaga jaku selubu ngapa laban iya enda manah ba begempung rayat negara tu. Enti di teruskan, iya sigi ka ngaga menua tu carut alu tusah ka aman agi.

Diatu sida parti udah repot ba balai polis sentang halnya. Tau diambik tindakan undang-undang enti besalah nabur petenah. Berkali-kali udah Adenan madah iya sigi enggai maik Sarawak pansut ari Malaysia. Cukup udah nyebar cerita palsu ngagai rayat.-Sarawakiana

No comments:

| | Copyright © 2014 SARAWAKIANA