Mayuh Pengawa diberi Kena Rayat Sarawak Ba Petronas



Petronas sari tu tunai janji ngambik ka mayuh agik rayat Sarawak ngisi pengawa puang ba Pteronas. Jaku Petronas nya disah ulih pemesai menua Sarawak enggau ngansak bala rayat anang sekali ngelepas peluang iya ka udah di sedia.

Nya alai enti utai diperunding diadu manah enggau nitih ka peraturan sepatut iya. Enda kelalu begaut lalu nadai pemuas ati semua urang. Baka iya dirunding ke baru tu, keputusan petronas terbuka ati runding enggau perintah menua tu sigi manah laban keputusan iya merik untung ngagai bala rayat menua tu.

Peluang diberik ba rayat Sarawak ari kontrak ngagai pengawa puang merik mayuh agik untung ngagai Sarawak empu. Utai baka tu sigi nyangkal jaku selubu ngapa ari sida ke enggai meda runding baka tu diteruskan. Sida iya ka isu baka tu enda nyadi lalu jadi isu politik kena sida iya ngulih sukung ari rayat. Nya cara sida ngulih penyukung walaupun sida sanggup ngaga jaku selubu ngapa.

Hal baka tu, Petronas enda ngelepas tanggungjawab sida laban sida nemu perkaya iya ka patut diberik ngagai Sarawak lalu merik penguntung ngagai bala rayat. Lebuhnya lalu bala nembiak enda putus pengawa ari jawatan rendah ngagai ke jawatan tinggi.

Diatu udah ditemu tanggungjawab petronas ngagai rayat Sarawak lalu enda ngetu berunding ari semasa ke semasa. Tang rayat berminat ka nemu kemaya Sarawak ulih ngaga Syarikat cari gali minyak diri empu ?-Sarawakiana

No comments:

| | Copyright © 2014 SARAWAKIANA