Kompeni Besai Anang Ngayah Kontraktor Mit



Diatu mayuh projek jalai alun ba menua ulu bisi di gagak perintah ngambik ka bala rayat lantang enggau senang enti udah tembu jalai nya. Nya utai dikarap rayat ngelama tu laban udah lama bepinta jalai alun.

Tang diatu bisi ga masalah laban mayuh hal ngasuh iya terbengkalai. Ukai nadai kontraktor ngadu jalai, udah tembu 40% jalai nya lalu badu sida ngaga.

Peranak ba kampung enggau menua ulu enda puas ati laban meda kontraktor lalu ngetu baka nya ajak. Majak sida ngiga wakil rayat ka nanyak nama hal kebuah sida kontraktor ngetu ngaga jalai.

Nurun ga wakil rayat betanyak nama kebuah nyadi bakanya. Sida kontraktor masut ka jaku madah sida iya nadai di bayar kompeni besai. Sida udah enda cukup modal kena nerus projek nya. Ni ka berik gaji sida ka kerja, bayar supplier enggau utai bukai.

Kompeni besai lalu enda mansut ka duit tetapi iya ka udah ditemu, perintah udah merik berjuta ba kompeni besai. Sida kampung udah ga nanyak ba wakil rayat sida.

Lalu bisi kenyataan madah, kompeni besai enggai bayar kontraktor laban kontraktor nya ukai pilih kompeni besai walaupun sida sain setuju. Kontraktor iya ke udah dipilih bisi pengalaman tang enda disuka kompeni besai.

Nya alai kompeni besai enggai mayar laban ka balas dendam. Enti baka tu ku rayat, susah enti kompeni besai baka nya. Ka ngayah kontraktor mit belama. Nya alai projek ka di gagak perintah bisi belama masalah laban masalah nya datai ari baruh.-Sarawakiana

No comments:

| | Copyright © 2014 SARAWAKIANA