Ka Saman Negara Malaysia ?



Ninting ari makin balat sida aktivis iya ka maik Sarawak pansut ari Malaysia mansut ka jaku enda manah. Rayat menua tu udah sigi nemu pengawa sida tu bisi urang besai ba belakang sida iya. Iya ka udah ditemu sida penyakal empu agenda ka maik menua tu pansut ari Malaysia.

27 Mei 1961 udah diperunding ka nubuh siti gagasan negara lalu nyatu Malaya, Singapura, Sarawak enggau North Borneo (Sabah) nyadi sebuah negara laban pengaruh enggau kuasa komunis makin jadi maya nya. Nya alai lalu ditubuh Pesuruhjaya Suruhanjaya Cobbold ngambik undi nyukung nyadi siti negara iya diberi nama Malaysia sari tu. Lalu 16 September 1963 wujud Malaysia hasil persetujuan sida kelia.

Utai nya ukai ulih ngaga segapa laban ba dunia tu bisi undang-undang enti ka nubuh negara. Ukainya ulih baka nulis ba kertas tang iya diambik kira baka cukup pasukan keselamatan, penyampau rayat iya ka setuju enggau mayuh agik hal penting.

Tang diatu bisi aktivis ka saman negara Malaysia laban madah Malaysia tu negara haram. Ari ni iya bulih fakta Malaysia tu negara haram. Sida baka ka mantah suara aki inik suba iya ka Sarawak nubuh Malaysia. Aki inik suba udah ensepik asai pemedis maya Jepun, Urang Putih enggau Komunis.

Pengidup enda menyana, pemakai tusah ngiga enggau mayuh bala udah kena bunuh bala komunis. Sida aktivis tu enda hormat suara sida aki inik iya ka ucu icit hidup menyana baka diatu. Sida iya ka udah nyepi asai merinsak lebuh maya nya udah merik kata putus lalu nyadi Malaysia ari tu. Nitih undang-undang sida kelia ngasuh Malaysia jadi sebuah negara secara sah.
-Sarawakiana

No comments:

| | Copyright © 2014 SARAWAKIANA