Tuai Rumah Nyambut Manah Sentang #Bajet2017



Bala tuai rumah ba Sarawak mansutkan rasa besyukur laban taun baru tu ilak elaun sida dinikik RM100 ari iya ka udah.

Sebedau bajet 2017 di bantai Menteri Besai Datuk Seri najib Tun Razak ba Dewan Rakyat,21 Oktober nya elaun tuai rumah ti nyampau RM800 tiap bulan ditambah nyadi penyampau RM900 sebulan.

Mayuh sida bala tuai rumah puas ati laban perintah sigi ngadu pengawa nulung rayat. Iya mega ulih nambah mimit kena belanja ngadu ka utai bekait rayat.

Bisi ga tuai rumah madah, pengawa baka sida ba kampung enda sama baka tuai rumah ba bandar. Maya bisi hal ba kampung tuai rumah sigi ke dulu nulung rayat.

Udah ga bisi kampung nadai jalai manah tang tuai rumah sigi tanggungjawab kemaya bisi hal baka rayat ka beranak, sakit enggah utai bukai.

Nya alai manah ga elaun ditambah laban tuai rumah mayuh ngena duit dirik empu kenak ngadu hal bakanya. Bisi ga kena meli minyak kereta kena nganjung ngagai hospital.

Tuai rumah beterima kasih ngagai kerajaan laban ka merik elaun penyampau nya. Bisi ga kena nambah mimit lalu kena nulung bala rayat.-Sarawakiana

No comments:

| | Copyright © 2014 SARAWAKIANA