Sapa Ka Nanggung Enti Kena Buai Kerja ?


Enti enda salah bisi 900,000 iya ka gawa ba perintah ba seluruh menua Malaysia diatu. Ari gawa jadi tukang kebun ngagai pangkat besai.

Nya ka penyampau kemayuh sida gawa perintah. Sida gawa perintah sigi udah rezeki sida iya lalu  kena nupik bala sebilik.

Enda lama ka udah, DAP bisi madah enti sida migai perintah Malaysia, sida ka muai sapa iya gawa perintah selama tu. Laban DAP madah kelalu mayuh lalu ngerugi belanja perintah.

Rayat ba menua tu ukai makin nyurut, tang makin betambah. Nya alai perintah iya ka diatu bisi ngiga ka cara manah kenak ka nambah agik pengawa puang.

Ukai baka DAP, bedau gik nyadi pemerintah udah ka muai penjawat awam. Sepatut iya enti ka nyadi pemerintah mesti mikir hal rayat dulu. Ukai ka muai sengapa penjawat awam.

Utai ka di tanya, Sapa ka nanggung enti sida penjawat awam di buai ?
Ulih ka DAP nupik bala sida penjawat awam sebilik selamanya ?

DAP cuma bejaku sigi landik tang enda nemu ngiga penyelesaian manah baka ni ka ngadu nya manah agik. Ukai ka sengapa buai pengawa urang. Pemutus iya DAP sigi enda nemu ngadu utai manah enggau jaga rayat udah nya enda tau nyadi perintah ba menua tu.-Sarawakiana

No comments:

| | Copyright © 2014 SARAWAKIANA