Penanggul Entali Ai Di Tanjung Sebekut Deka Diputar Lengkas



SPAOH: Komuniti ti diau di Tanjung Sebekut, Spaoh ngelaluka penemuai ngenyit Sapit Kepala Menteri Datuk Amar Douglas Uggah anak Embas, lebuh mensia mayuh ke benung belelak nyambut Hari Maal Hijrah, ensana.

Ba penemuai nya, Uggah meda kediri empu penanggul entali ai di genturung pendiau nya lalu meda pengawa ngemanahka jalai kebun ke benung dipejalaika.

Komuniti dia ti tebal ngereja pengawa kebun, ngena peluang betemu enggau Uggah lalu ngenataika penanggul ti ditapi sida ngagai Sapit Kepala Menteri nya.

Tebal agi peranak menua nya ngenataika pengirau ati sida ba penanggul sistem entali ai masin ti enda baka ke dikearapka nyentukka utai tanam sida pan betapi enggau penanggul nya.

Uggah minta ejensi bekaul enggau bala pemesai ari opis iya mutarka penanggul nya jampat ngambika enda agi nyadi dudi ila.

Lebih 200 peranak menua nya bekebun sereta bumai padi, lalu bisi peluang bulih penatai pemisi ke besai ngelui RM4,000 sebulan baka ditagit Perintah Nengeri Sarawak.

Nyempulang Uggah lebuh ke nemuai nya, Pemesai Betanam Betupi Bagi Menua Betong, Pemesai Pelilih Betong, Friday Belik enggau staf ari Opis Entali Ai (DID) Betong.-UB

No comments:

| | Copyright © 2014 SARAWAKIANA