Nama Pemansang Udah Digagak DAP Ba Sarawak ?



Landik sigi amat landik maya Kepala DAP Sarawak Chong Chieng Jen berjaku. Ulih ngasuh sapa ka mending jaku iya ulih percaya seratus peratus. Semua leka jaku iya baka betul magang. Laku nadai penyalah ba DAP empu.

Rasuah sigi jaku dibantai belama enti Chong mansut ke jaku lalu madah utai digaga BN salah magang. BN selalu ditusui iya rasuah belama.

Tang enti iya madah BN rasuah, sitik bukti iya enda kala mansut ba mua urang. Tang jaku ajak lalu ngemanah DAP empu. Nya baru iya angkat bakul tanggung kedirik.

Diatu utai rasuah udah palit ba DAP empu. Lim Guan Eng udah di dakwa kena isu rasuah. Ukai sengapa SPRM ka nangkap enti nadai bukti. Bisi buktilah Guan Eng kena dakwa tang mahkamah bedau mutus agi.

Baka Chong, seleka jaku iya enda berani betanya ka Lim Guan Eng hal nya. Dipeda Chong sigi nangi ke Guan Eng. Enda berani mantah enggau mansut nganu Guan Eng.

Lagi-lagi iya nyalah BN dalam hal baka tu. Nama kebuah bansa nya ? DAP Sarawak nadai prinsip ka bisi pemutus kedirik empu. Semua nitih jaku Lim Kit Siang enggau Guan Eng magang.

Nadai peda tengkuk Chong maya sida Kit Siang enggau Guan Eng bejaku. Nya alai DAP Sarawak enda ulih dikarap enggau enda ulih nyadi wakil rayat ba Sarawak laban sida iya udu ngasut. Ba penyalah sida iya lalu di kelalai sida iya enggai ka urang nemu.

Ba ya DAP enda ulih maik pemansang ba menoa Sarawak laban sida balat amat enjaik urang bukai tang penyalah diri empu lalu enda kala nemu. Nangka diatu DAP lalu nadai mai pemansang.-Sarawakiana

No comments:

| | Copyright © 2014 SARAWAKIANA