Nadai Munyi PKR Sarawak



Amat bendar sida bala PKR Sarawak diau kedirik lalu nadai mansut seleka jaku semak mayuh bala kaban sida iya pansut ari parti.

Kepala parti PKR Baru Bian empu lalu nyau nadai bisi pengerunding ka bejaku setegal isu nya. Dia tu tang kepala DAP Sarawak aja mayuh mantai ke jaku bisi kait enggau bala ka keluar parti.

Engka sida PKR sigi nadai isu ka diangkat laban kati di peda, Baru Bian mayuh utai setuju pengawa Kepala Menteri Sarawak Adenan Satem.

Enti baka nya, manah Baru Bian perunding ngagai bala parti pasut magang ari PKR laban isu ka di baik ulih PKR pusat lalu nadai nguntung ka menoa Sarawak.

Manah agi Baru Bian ngatur pengerunding bersaum enggau tama ba Barisan Nasional Sarawak enti nitih agenda kedua parti tang sebaka.

Kepala Menteri kemaya bedau maya bepilih suba bisi mansut leka jaku maik Baru Bian tama BN laban iya mayuh runding ka mantu rayat menoa iya.

Tang diatu PKR mesti bepikir manah agi laban nadai bukai ngulih ka pemansang laban BN Sarawak udah mupok mujur ngaga runding baka ni ka beri pemansang enggau rayat. Baik agi sida iya nyukong BN nggau ninggal ka PKR nti ka nerus meri pemansang rayat.-Sarawakiana

No comments:

| | Copyright © 2014 SARAWAKIANA