JTS Mantah Jaku Madah Perintah Enda Bayar Pampasan



KUCHING: Jabatan Tanah dan Survei (JTS) mantah jaku orang madah perintah enda bayar pampasan ngagai penduduk Matading kena tanah diguna ngaga Projek Matading/Bedengan Sub-Centre Mukah iya udah dilulus ari taun 2003.

Nunda ka jaku JTS, tanah iya ka udah di ambik pulai udah tembu proses dalam taun 2012 enggau perintah udah menawar pampasan ngagai sapa ka embun sebenar tanah nya.

Jaku iya lagi, sapa iya ka nuntut pampasan ba tanah perintah walaupun iya enda wujud tanah adat (NCR) tulin, perintah bisi nawar bayaran saguhati tapi ditulak sida iya magang.

"Tang baka nya, jaku madah kerajaan enda bayar pampasan sigi perkara enda benar. Dalam hal tu, perintah sigi prihatin enggau hak rayat enggau pemansang kawasan nya," ku iya maya bejaku ba akhbar.

Jaku iya, sigi eda patut penduduk tuduh perintah enda peduli utai iya ka diguna penduduk tanpa bisi fakta iya ka tegap.

"Udahnya, enda patut ga sida iya ngambik perkara ngadu pengawa mantah usaha manah perintah kena mansang ka kawasan iya ketemu sigi mundur enggau ulih merik peluang pengawa ngagai penduduk dia," ku iya.

Udah nya JTS nadai kira runding agi ka ngambik tindakan ngena undang-undang demi ka memastikan pengawa manah perintah engai di tagang ulih pihak iya ka enggai meda kawasan terus diberi pemansang demi kepentingan sida iya empu.-Sarawakiana

No comments:

| | Copyright © 2014 SARAWAKIANA