Enda Kiruh Gempuru BERSIH 5 Ba Sarawak

Pengawa sida BERSIH 5 ka ngaga gempuru lalu enda dipeduli sida bala rayat. Enda berapa pengawa sida ba kali tu laban rayat udah nemu agenda sida iya.

Enda baka ba menoa Semenanjung, sida BERSIH 5 diterima sida sitak nyin tapi enda baka suba sambutan sida iya. Enda rami baka ka udah sebedau tu.

Ba menoa Sarawak nadai kiruh bala rayat diatu. Mayuh bala iya ka bejaku ba mua bub madah, gerempung BERSIH 5 nadai maik penguntung. Ngasuh lelak tubuh lalu nadai kebuah nama utai ka dijuang.

Bisi ga sida madah gerempung tu urang belakang nya sida ari parti penyangkal. Nya jaku sida ka udah nemu nama kebuah enggau agenda gerempung nya.

Mayuh ga sida bejaku madah, manah agi ngerja utai ba kebun, nupi jelu, gawa enggau ngadu ka utai nguntung keluarga. Diatu urang ka ngiga belanja kena ngasuh pengidup nikik manah agi.

Iya ka bedau suba dipeda mayuh provokasi ari agenda amai. Bisi ga madah udah jerak nitih gerempung BERSIH laban suba datai ari jauh nadai di tanggung ulih sapa-sapa.

Jaku sida, suba sidak ngena kereta dirik empu. Belanja minyak dirik empu. Hotel endur diau pan dirik empu tanggung. Lalu nadai utai bulih.

Pulai sengapa ka menoa maik utai kosong laban duit udah ambis kenak nitih gerempung BERSIH iya ka udah. Nya alai diatu sida madah udah jerak enggau enggai gi nitih agi.

Diatu bala sida madah, anang ka nggau agi hal bansa nya laban nadai merik penguntung. Iya ke bulih utai lelak tubuh ajak. Jaku sida ga, manah agi gawa ngerja pengidup dudi laban nadai urang bukai ka nupi bala anak bini enti bukai dirik empu.-Sarawakiana

No comments:

| | Copyright © 2014 SARAWAKIANA