Anang nyadi Sarawak baka Arab Spring



Naib pengerusi BERSIH 5 Sarawak Ann Teo madah udah nganjung surat ngagai DBKU minta kebendar ngena Padang Merdeka Endur sida ngaga gerempung Bersih 5 lalu menjangka bisi 5000 iku nitih gerempung nya.

Sebedau tu mayuh bala nagang hal gerempung nya anang di ada ba nengeri tu. Mayuh implikasi enda manah tau nyadi laban komuniti ditu sigi enda teleba gerempung iya ke ngasuh ekstrim.

Bala sida rayat kemayuh enggai menua tu nyadi baka menua Arab din. Arab Spring baka contoh enda sesuai ba nengeri tu laban mayuh bansa enggau agama diau ba tu.

Hal ngasuh carut amat sigi nadai guna ba ditu laban mayuh utai ka enda manah berlaku lalu rayat menua mayuh bansa enggau agama belaya enggau bebunuh baka iya ka udah berlaku ba Arab.

Udah lama hidup begulai sama pangan ke bukai bansa lalu majak ka berasai aman enggau sejahtera ngelama tu. Enda tau gerempung baka Bersih 5 di ada ditu lagi ka nangi ilak nyadi baka Arab Spring.-Sarawakiana

No comments:

| | Copyright © 2014 SARAWAKIANA