Tiong: Kaban,Ketuai SPDP Dilalau Seruran Talukka Parti



BINTULU: Kaban enggau bala ketuai Parti Progresif Demokratik Sarawak (SPDP) dilalau bepegai teguh sereta talukka parti enggau bala ketuai.

“Tu pinta semua kaban enggau ketuai dalam SPDP ngambika ngenuluka parti ari pengingin diri,” pia ku presiden SPDP Datuk Seri Tiong King Sing.

Ku iya, pekara nya beguna amat dikena ngeringka SPDP ba pengawa negika pengelantang rayat.

Tiong bejaku munyi tu lebuh bejadi pampang SPDP Sungai Labang ari baruh pegai sitak Kemena ba Rumah Empaling Tuan, Sungai Labang bedau lama udah.

Pemangku ketuai pampang SPDP Kemena,Ukar Kelayang enggau Tr Agnes Mampak Mandaw sama bela bisi ngulu pengerami nya.

Kaban Parlimen Bintulu MP nya mega madah, bala ketuai enda ngira ari bagi parti politik, ketuai komuniti enggau ngatika diri patut nemu tanggungpengawa sida empu kelebih agi pasal komuniti ba renggat nembiak redak.

Tiong mega minta bala ketuai enggau kaban parti ngenaka penyerakup sereta besaup ngeringka parti nenagh chara nyendiaka servis ti peamdu manah ngagai rayat.

Dulu ari nya, Ukar madahka SPDP Kemena deka majak nambahka penyampau kaban, kelebih agi rebak baru di Kemena dikena ngeringka parti.

Iya mega madah kena bulan Mei taun tu, bisi 2,100 kaban baru di Kemena nyengkaum 300 iku di Samalaju lalu sida nagigt ngulihka 1,000 iku agi kaban baru nyentuk ujung taun tu.

“Naka ke diatu kami udah ngerejista 6,000 iku kaban SPDP Kemena lalu kami pechaya mujur ngulihka mayuh agi kaban,” ku iya.

Ku iya, sida mega deka muka mayuh agi pampang duli ila sereta nagit muka lapan diri Kemena enggau lima di Samalaju.

“Pekara ti beguna amat, SPDP patut ngiga chara ti pemadu engkeman nyendia servis ti pemadu manah kelebih agi ngagai kaban baru,” ku Ukar.

Beserimbai enggau pengerami nya, Tiong lalu ngungkupka belanja RM5,000 ngagai Biro Indu Rh Empaling Tuan lalu RM100,000 agi ungkup Rh Empaling Tuan.-UB

No comments:

| | Copyright © 2014 SARAWAKIANA