Kes Ngeruga Kerita Majak Nyadi Ba Wisma Megah Kapit



KAPIT: Kenyau ari bulan Ogos nyentuk ke September tu tadi, mayuh kes udah nyadi bisi diripot ba senentang kes ngeruga kerita ba palan ngengkahka kerita di baruh Wisma Megah. Naka ke diatu bisi lebih kurang lima buah kerita udah dikeruga lalu perengka dalam nya mega dichuri.

Apin lama tu tadi, urung pukul 8 pagi nyentuk ke 5 lemai, seiku laki ke semina dikelala enggau nama Chou ti beempu kerita Honda madahka kerita iya udah dipechah lebuh ke sangkai ba palan tu. Ukai semina nya aja, ku iya, perengka dalam kerita nya mega udah diulih ke sida.

Palan tu semina dikunchi ngena pagar ke mit lalu senang ditiki bala orang ke ngereja penyalah.

Ari pansik, bagi menua Kapit ngembuan urung 6,000 buah kerita lalu semina bisi urung lima ratus aja palan ngengkahka kerita ti disediaka. Penyampau tu enda chukup nampung pemayuh kerita di kandang menua tu.

Chou minta piak ti bekaul enggau palan ngengkahka kerita tu ngemeratka pekara ti ulih ngeruga pengelikun mensia mayuh lalu mutarka penanggul tu enggau lengkas.UB

No comments:

| | Copyright © 2014 SARAWAKIANA